नवी दिल्लीः रिलायन्स जिओ आणि भारती एअरटेलनंतर वोडाफोन आयडियाने ग्राहकांना झटका दिला आहे. कंपनीने मोबाईल रिचार्ज प्लॅनचे दर वाढवले आहेत. पोस्टपेड आणि प्री-पेड दोन्ही ग्राहकांसाठी कंपनीने शुक्रवारी नवीन प्लॅनची घोषणा केली आहे.
वोडाफोन आयडियाचे नवीन प्लॅन ४ जुलैपासून लागू होणार आहेत. कंपनीने मोबाईल रिचार्ज प्लॅन्सना १० ते २१ टक्के वाढवण्याचा निर्णय घेतला आहे. २८ दिवसांच्या रिचार्ज प्लॅनला आता १७९ रुपयांऐवजी १९९ रुपये मोजावे लागणरा आहे. तर २८ दिवसांसाठी प्रतिदिवस १ जीबी डेटा असलेल्या प्लॅनचे दर २६९ वरुन २९९ रुपये करण्यात आलेले आहेत.
कंपनीने ८४ दिवसांच्या दीड जीबी डेटाच्या प्लॅनची किंमत ८५९ इतकी केली आहे, जो सध्या ७१९ रुपये इतका होता. तर एवढ्याच दिवसांसाठी २ जीबी प्रतिदिवस असलेल्या प्लॅनची किंमत ८३९ रुपयांवरुन ९७९ इतकी करण्यात आलेली आहे.
वोडाफोन आयडियाने आपल्या ३६५ दिवसांच्या प्लॅनचे दर वाढून ३४९९ रुपये केले आहेत. जो प्लॅन सध्या २८९९ रुपयांचा आहे. यासह डेटा अॅड ऑन पॅकमध्ये कंपनीने १ जीबी डेटाचे दर १९ रुपयांवरुन २२ रुपये केले आहेत. तर ६ डीबी डेटाचे दर ३९ रुपयांवरुन ४८ रुपये केले आहेत.
वोडाफोनने सांगितलं की, ४ जीबी डेटाची सेवा उत्तम देण्याबरोबरच ५ जीबी डेटा सेवा देण्यासाठी पुढच्या काही महिन्यांमध्ये मोठ्या गुंतवणुकची योजना कंपनी करत आहे. एन्ट्री लेव्हल युजर्सना लक्षात घेऊन आपले एन्ट्री लेव्हल प्लॅनमध्ये किरकोळ वाढ केल्याचं कंपनीने स्पष्ट केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.