Bhopali Namkin Viral Video On Social Media : सध्याच्या काळात सोशल मीडियावर व्हायरल होणाऱ्या व्हिडिओंची कमतरता नाही. पण कधी कधी काही व्हिडिओ आपल्याला आश्चर्यचकित करतात तर, काही व्हिडिओ पाहून आपल्याला आनंद मिळतो. काही दिवसांपूर्वी कोलकाता येथील भुवनचा कच्चा बादम या गाण्याने धूम माजवली होती. त्यानंतर आता भोपाली नमकीन वाल्या काकांच्या गाण्याच्या व्हिडिओ मोठ्या प्रमाणात व्हायरल होत असून, नेटिझन्सकडून या काकांचं तोंडभरून कौतूक केले जात आहे.

देशभरात अनेक ठिकाणी रस्त्यावर दुकानं लावून विक्री करणारे आपण बघितले असतील. मात्र, या भोपाळी काकांच्या वस्तू विकण्याची पद्धत भोपाळी टोनमध्ये असून, ती अनेकांना आकर्षित करत आहे. या काकांचा व्हिडिओ बघून ते गाणं म्हणत असतील असं तुम्हाला वाटेल मात्र, तसं नसून ते गाण्याच्या माध्यामातून नमकीनच्या विविधतेबद्दल माहिती देत आहेत.

काही दिवसांपूर्वी कच्चा बदाम विकणाऱ्या भुवनचा असाच एक व्हिडिओ सोशल मीडियावर खूप व्हायरल झाला होता. ज्याचे बोल आजही अनेकजण गुणगुणतांना दिसतात. त्यानंतर आता भोपाळच्या नमकीन व्यक्तीचा व्हिडिओने सोशल मीडियावर व्हायरल होत असून, तो नेटकऱ्यांच्या पसंतीस उतरला आहे.