बंगळुरू स्थित ‘बिग बास्केट’ या ऑनलाइन किराणा माल विकणाऱ्या कंपनीवर सायबर अटॅक झाला असून सुमारे दोन कोटी ग्राहकांची माहिती लीक झाली आहे. लीक झालेल्या माहितीमध्ये युजर्सचं नाव, फोन नंबर, पत्ता, ई मेल आणि जन्मतारीख यांचा समावेश असल्याचं सांगण्यात येत आहे.
ShinyHunters या हॅकरने Big Basket चा डेटाबेस पब्लिश केल्याचं म्हटलं जात आहे. विशेष म्हणजे, लीक झालेली ही माहिती कोणीही सहज डाउनलोड करु शकतं, असं Techcrunchच्या वृत्तात नमूद करण्यात आलं आहे.
भारतीय सायबर सिक्युरिटी रिसर्चर राजशेखर राजहरिया यांनीदेखील याविषयी ट्विट करुन माहिती दिली आहे. विशेष म्हणजे २०२० मध्येदेखील बिग बास्केटवरील माहिती लीक झाली होती. सध्या लीक झालेली माहिती कोणीही सहज डाउनलोड करु शकतं. परंतु, याविषयी बिग बास्केटकडूने कोणतंही स्टेटमेंट दिलेलं नाही.
दरम्यान, बिग बास्केट ही खरेदीसाठी ग्राहकांमध्ये लोकप्रिय असलेली ऑनलाइन कंपनी आहे. २०११ मध्ये सुरु झालेल्या या कंपनीमध्ये चीनच्या अलीबाबा या कंपनीची भागीदारी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.