Amit Shah Baramulla Rally: केंद्रीय गृहमंत्री अमित शाह यांनी बारामुल्ला येथे जाहीर सभेत बोलताना अचानक सुरू झालेल्या अजानसाठी भाषण थांबवले. अजान संपल्यानंतर समोर बसलेल्या लोकांची परवानगी मागीतली आणि लोकांकडून मिळालेल्या प्रतिसादानंतर त्यांनी पुन्हा भाषण सुरू केलं.

अमित शाह तीन दिवसांच्या जम्मू-काश्मीर दौऱ्यावर आहेत. आज तिसऱ्या दिवशी त्यांनी उत्तर काश्मीरमधील बारामुल्ला येथे जाहीर सभेला संबोधित केले. दरम्यान जवळच्या मशिदीतून अजानचा आवाज आल्याने अमित शाह यांनी आपले भाषण मध्यंतरी थांबवले आणि अजान संपल्यानंतर अमित शहांनी पुन्हा भाषणाला सुरुवात केली.

दरम्यान भाषण पुन्हा सुरू करताना केंद्रीय मंत्री शाह म्हणाले, 'मला नुकताच संदेश मिळाला की जवळच्या मशिदीत प्रार्थनेची वेळ झाली आहे, आता संपली आहे मग आता बोलू का? अशी जनतेची परवानगी घेऊन त्यांनी पुन्हा भाषणाला सुरुवात केली.

शाहा यांनी जाहीर सभेत त्यांनी अब्दुल्ला, मुफ्ती आणि गांधी कुटुंब या तीन कुटुंबांवर जोरदार निशाणा साधला. ते म्हणाले की, 1947 ते 2014 पर्यंत केवळ चार वैद्यकीय महाविद्यालये बांधली गेली आणि 2014 ते 2022 पर्यंत 9 महाविद्यालये सुरू झाली. तीन घराण्यांच्या राजवटीत भ्रष्टाचार बोकाळला. त्यांनी लाचलुचपत प्रतिबंधक विभागाला प्रवेश दिला नाही.

पुढे जाहीर सभेला संबोधित करताना केंद्रीय गृहमंत्री अमित शहा म्हणाले की, पूर्वी हे दहशतवादी हॉटस्पॉट होते, आता ते पर्यटनाचे हॉटस्पॉट आहे. जम्मू-काश्मीरमधील वाढत्या पर्यटनामुळे येथील अनेक तरुणांना रोजगार मिळाला आहे. खोऱ्यातील निवडणुकांबाबत ते म्हणाले की, मतदार यादी तयार करण्याचे काम पूर्ण होताच जम्मू-काश्मीरमध्ये पूर्ण पारदर्शकतेने निवडणुका होतील.