Amul Milk Price Hike : अर्थसंकल्प सादर झाल्यानंतर लगेचच सर्व सामान्यांना मोठा झटका बसला आहे.

गुजरात कोऑपरेटिव्ह मिल्क मार्केटिंग फेडरेशन लिमिटेडने दुधाच्या दरात वाढ करण्याची घोषणा केली आहे. 

अमुलने दुधाच्या दरात प्रतिलिटर तीन रुपयांपर्यंत वाढ जाहीर केली आहे. नवीन दर तत्काळ प्रभावाने लागू झाल्या असून, नव्या घोषणेनंतर ग्राहकांना अमूल गोल्डसाठी 66 रुपये प्रति लिटर, अमूल फ्रेशसाठी 54 रुपये प्रति लीटर पैसे मोजावे लागणार आहेत.

तर, अमूल गायीच्या दूधासाठी 56 रुपये प्रति लिटर आणि अमूल ए2 म्हशीच्या दूधासाठी 70 रुपये प्रति लीटर मोजावे लागणार आहेत. कंपनीच्या या दरवाढीमुळे सर्वसामान्यांना मोठा झटका बसला असून, यामुळे आर्थिक गणित कोलमडणार आहे.

अमूलने गेल्या वर्षी ऑक्टोबरमध्ये दुधाच्या दरात प्रतिलिटर दोन रुपयांनी दरवाढ केली होती. एकूण कामकाजाचा खर्च वाढल्याने ही दरवाढ करण्यात आल्याचे सांगण्यात आले आहे. अमुलशिवाय गेल्यावर्षी डिसेंबरमध्ये मदर डेअरीने दिल्ली-एनसीआरमध्ये दुधाच्या दरात प्रति लिटर 2 रुपयांची वाढ केली होती.