प्रसिद्ध उद्योजक सोशल मीडियावर चांगले सक्रिय असतात. नवनवे प्रयोग, नव्या संकल्पनेला ते कायम दाद देत असतात. तर जुगाडू व्हिडिओ ते आपल्या ट्वीटर अकाऊंटवरून शेअर करत असतात. सध्या त्यांनी असाच एक व्हिडिओ ट्वीटरवर शेअर केला असून त्यांनी सदर तरूणीला थेट कंपनीत जॉबची ऑफर दिली आहे.

व्हिडिओमध्ये सदर तरूणीने स्टेपलरच्या पिनांपासून एक गाडी बनवली आहे. तर तिची गाडी पाहून तुम्हालाही धक्का बसेल. हा व्हिडिओ शेअर करताना आनंद महिंद्रा म्हणाले की, "ही आयडिया या तरूणीला कशी सुचली असेल? तिच्या या कल्पनाशक्तीला सलाम, पण तिने आता खराखुऱ्या कार बनवण्याच्या कारखान्यात डिझाईनसाठी आणि बनवण्यासाठी काम करायला पाहिजे. आम्ही तिला आमच्या कंपनीत घ्यायला तयार आहोत" असं महिंद्रा म्हणाले आहेत.

दरम्यान, याआधी सोशल मीडियावर व्हायरल होत असलेल्या व्हिडिओला आनंद महिंद्रा गांभीर्याने घेतात आणि टॅलेंटला व्यासपीठ देण्याचा प्रयत्न करत असतात. अनेकदा संशोधनाचे आणि चांगल्या जुगाडाचे व्हिडिओ त्यांनी ट्वीटरवरून शेअर केले असून अनेकांना बक्षीसही जाहीर केलं आहे.