भारतीय उद्योगपती आनंद महिंद्रा (Anand Mahindra) हे सोशल मिडियावर खूप अॅक्टिव्ह असतात, खासकरुन त्यांनी केलेले ट्विट सतत चर्चेचा विषय बनतात, आज राष्ट्रीय युवा दिनानिमीत्त (National Youth Day) त्यांनी त्यांचा एक खास फोटो शेअर केला आहे, या फोटोमध्ये महिंद्रा हे लहान मुलींसोबत शाळेतील बाकड्यावर बसलेले दिसत आहेत. महिंद्राचा हा फोटो लगेच व्हायरल झाला आणि लोकांनी वेगवेगळ्या कमेंट करायला सुरुवात केली.

स्वामी विवेकानंद यांची जयंती दरवर्षी १२ जानेवारी रोजी राष्ट्रिय युवा दिन म्हणून साजरी केली जाते. हा दिवस साजरा करतान आनंद महिंद्रा यांनी हा फोटो ट्विट केला आहे. या फोटोमध्ये ते वर्गातील शेवटच्या बाकावर मुलींसोबत बसलेले दिसत आहेत. या फोटोसोबत त्यांनी एक मोटिव्हेशनल मेसेज देखील दिला आहे.

आनंद महिंद्रा लिहीतात की, 'आज राष्ट्रीय युवा दिनानिमित्त, माझा विश्वास आहे की आपण फक्त वयाने तरुण असणे साजरे करत नाही, तर मनाने तरुण असणे देखील साजरे करतो. मला विश्वास आहे की आपल्या सभोवतालच्या जगाचे ताजे आणि तरुण चित्र जतन करणे गरजेचे आहे. कारण मी जेव्हा आपल्या लहानग्या कळ्यांच्या (नन्ही कली) वर्गात जातो, तेव्हा माझी बॅटरी सर्वात जास्त चार्ज होते.' दरम्यान त्यांच्या या ट्विटवर लोकांकडून वेगवेगळ्या मजेशीर कंमेट केल्या जात आहेत.