दिल्ली आणि पंजाब येथे सत्तेत असलेल्या आम आदमी पक्षाने काँग्रेसला एक मोठी ऑफर दिली आहे, 'आप'ने जर काँग्रेस पक्ष दिल्ली आणि पंजाबमध्ये निवडणूक लढवली नाही तर आम आदमी पक्ष मध्य प्रदेश आणि राजस्थान येथे आगामी निवडणकीतून बाहेर पडेल असे म्हटले आहे.

आपचे राष्ट्रीय प्रवक्ता आणि दिल्लीचे आरोग्य मंत्रा सौरभ भारद्वाज यांनी गुरूवारी काँग्रेस पक्षावर टीका करताना सांगितले की, काँग्रेस दिल्ली आणि पंजाबमध्ये निवडणूकांमधून माघार घेतली तरा 'आप' देखील मध्य प्रदेश आणि राजस्थाना निवडणूकांमधून माघार घेईल. दिल्लीत प्रशासकिय सेवांच्या नियंत्रणावरून केंद्र सरकार आणि दिल्लीतील आपचे सरकार आमनेसामने आले आहे. यादरम्यान 'आप'ला केंद्र सरकारने आणलेल्या अध्यादेशाविरोधात काँग्रेसकडून पाठिंब्याची आपेक्षा आहे.

दिल्लीत गुरूवारी पत्रकारांशी बोलताना आप नेते भारद्वाज म्हणाले कीष काँग्रेसला दिल्लीत २०१५ आणि २०२० च्या विधानसभा निवडणूकीत एकही जागा जिंकता आली नाही. जर काँग्रेस तयार असेल तर त्यांनी दिल्लीजपंजाब निवडणूका लढवल्या नाहीत तर आम्ही देखील मध्य प्रदेश-राजस्थान येथे निवडणूका लढवणार नाहीत.

भारद्वाज यांनी काँग्रेसवर कॉपी-कट-काँग्रेस झाल्याचा आरोप केला आहे. पक्षात अजून बऱ्याच कमतरता आहेत, म्हणून ते आम आदमी पक्षाचा जाहिरनामा चोरत आहेत. ते म्हणाले की, काँग्रेस देशातील सर्वात जुना पक्ष आहे. मात्र आज सी-सी-सी, कॉपी-कट-काँग्रेस बनला आहे. हे अरविंद केजरीवालचं सर्व लुटत आहेत. यांना स्वतःचं असं काहीच माहिती नाही. काँग्रेसकडे फक्त नेतृत्वाचीच नव्हे तर विचारांची देखील कमतरता असल्याचे उघड होत आहे.