Air India - Vistara Merger Update: एअर इंडिया आणि विस्ताराच्या विलीनीकरणास मान्यता देण्यात आली आहे. सिंगापूरच्या कॉम्पिटिशन वॉचडॉगने याला मान्यता दिली आहे. टाटा समूहाच्या मालकीच्या एअर इंडिया आणि टाटा-सिंगापूर एअरलाइन्सच्या संयुक्त उपक्रम एअरलाइन विस्ताराच्या विलीनीकरणास अटींसह मान्यता देत असल्याचे सिंगापूर कॉम्पिटिशन वॉचडॉगने स्पष्ट केले आहे.

सिंगापूरच्या स्पर्धा नियामक CCCS ने मंगळवारी सांगितले की त्यांनी एअर इंडिया आणि विस्ताराच्या प्रस्तावित विलीनीकरणाला सशर्त मान्यता दिली आहे. सिंगापूर एअरलाइन्स एअर इंडियामध्ये 25.1 टक्के भागभांडवल विकत घेणाऱ्या करारांतर्गत विस्ताराचे एअर इंडियामध्ये विलीनीकरण नोव्हेंबर 2022 मध्ये जाहीर करण्यात होते. विस्तारा ही सिंगापूर एअरलाइन्स आणि टाटा समूह यांच्यातील संयुक्त उपक्रम आहे.

सिंगापूरच्या स्पर्धा आणि ग्राहक आयोगाने (CCCS) एअर इंडिया, सिंगापूर एअरलाइन्स आणि विस्तारा यांच्याकडून स्पर्धाविरोधी चिंता दूर करण्यासाठी काही प्रस्ताव स्विकारल्यानंतर करारासाठी सशर्त मान्यता दिली आहे.

प्रस्तावामध्ये सिंगापूर-दिल्ली (SIN-DEL), सिंगापूर-मुंबई (SIN-BOM), सिंगापूर-चेन्नई (SIN-MAA) आणि सिंगापूर-तिरुचिरापल्ली (SIN-TRZ) मार्गांवर नियोजित हवाई प्रवासी वाहतूक सेवांचा समावेश आहे.

वॉचडॉगने म्हटले आहे की सिंगापूर आणि नवी दिल्ली, मुंबई, चेन्नई आणि तिरुचिरापल्ली यांसारख्या भारतीय शहरांदरम्यान चार मार्गांवर थेट उड्डाणे चालवणाऱ्या एअरलाइन्समध्ये त्याचा सर्वाधिक बाजार हिस्सा आहे. (Latest Marathi News)