श्रीनगर : जम्मू-कश्मीरच्या (Jammu Kashmir) पुलवामा (Pulwama) भागात बुधवारी आतंकवाद्यांच्या झालेल्या हल्ल्यात एक भारतीय जवान शहीद झाला आहे. तर भारतीय सैन्याच्या सुरक्षारक्षकांना एका आतंकवाद्याला ठार करण्यात यश आले आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

मिळालेल्या प्राथमिक माहितीनुसार, झालेल्या चकमकीत आणखी एक जवान जखमी झाला आहे. सुरक्षा दलाला पुलवामा भागातील कामराजीपोरा गावातील एका बागेत आतंकवादी असल्याची माहिती मिळाली होती. या भागात सुरक्षारक्षकांनी शोध घेतल्यानंतर तेथे चकमक झाल्याची माहिती अधिकाऱ्यांनी दिली आहे. आतंकवाद्यांनी आधी सुरक्षादलाच्या जवानांवर गोळीबार सुरु केला. प्रत्युत्तरात सुरक्षा दलाच्या जवानांनी केलेल्या गोळीबारात एका आतंकवादी ठार झाला. तर दोन जवान जखमी झाले  होते. जखमी झालेल्या जवानांपैकी एका जवानाचा उपचारादरम्यान रुग्णालया मृत्यू झाला. 

चकमक झालेल्या ठिकाणांवरून भारतीय सैन्याला एक रायफल आणि काही ग्रेनेड मिळाले आहेत. ठार झालेल्या आतंकवाद्याची ओळख पटली नसून त्याची ओळख पटविण्याचे प्रयत्न पोलिसांकडून चालू आहेत. तसेच त्याचा कोणत्या आतंकवादी संघटनेसोबत संबंध होता, याचा शोध घेण्याचा प्रयत्नही पोलिसांकडून चालू आहे.