बंगळुरु : महिलांवर लैंगिक अत्याचार करुन त्याचे हजारो व्हिडिओ तयार करणारा कर्नाटकातील जेडीएसचा खासदार प्रज्वल्ल रेवन्ना याच्याविरोधातील फास आता आणखी आवळला आहे. कारण त्याच्या विरोधातील कोर्टानं अटक वॉरंट काढलं आहे. पण सध्या रेवण्णा हा भारतातून फरार झाला आहे. टाईम्स नाऊनं याबाबत वृत्त दिलं आहे.

एसआयटीच्या मागणीनुसार कर्नाटकातील कोर्टानं हसनमधील जेडीएस खासदाराविरुद्ध अटक वॉरंट जारी केलं आहे. नोटीस बजावूनही प्रज्वल रेवण्णा एसआयटीसमोर हजर झाला नसल्यानं त्याच्याविरोधात आता कोर्टानं अटक वॉरंट काढलं आहे. अनेक महिलांवर लैंगिक अत्याचार करत असल्याच्या कथित व्हिडीओ प्रकरणी त्याच्या विरुद्ध गुन्हा दाखल करण्यात आला आहे. विशेष म्हणजे रेवण्णा हा यंदाच्या लोकसभा निवडणुकीत जेडीएसचा उमेदवारही आहे.

दरम्यान, कर्नाटक पोलिसांच्या एसआयटीनं त्याच्याशी संबंधित कथित स्लीझ व्हिडिओंचा तपास करणारी टीम आत्मसमर्पण करण्यासाठी बंगळुरूला परत येण्याची वाट पाहत आहेत. 33 वर्षीय रेवण्णानं 27 एप्रिल रोजी डिप्लोमॅटिक पासपोर्ट वापरून देश सोडला आहे, सध्या तो जर्मनीत असल्याचा संशय आहे. कर्नाटक सरकारनं त्याच्याविरोधात ब्लू कॉर्नर नोटीस जारी केली आहे.