नवी दिल्ली : दिल्लीचे मुख्यमंत्री अरविंद केजरीवाल आणि भाजपनेते तथा आसामचे मुख्यमंत्री यांच्यात सुरू असलेले ट्विटरवॉर शनिवारीही कायम आहे. केजरीवाल यांनी हिमंता विश्वास शर्मा यांना आसामच्या शाळा पाहण्यासाठी कधी येऊ असा खोचक सवाल केला. (Arvind Kejriwal news in Marathi)

केजरीवाल यांनी शाळा बंद करणे हा उपाय नसून देशात आणखी शाळा उघडण्याची गरज असल्याचे ट्विट केल्यानंतर बुधवारी सोशल मीडियावर शर्मा आणि त्यांच्यात वाद सुरू झाला होता. या पार्श्वभूमीवर केजरीवाल यांनी आसाममधील काही शाळा "बंद" करण्यात आल्याचा दावा करणारी बातमी शेअर केली होती.

केजरीवाल यांनी आज ट्विट केले की, "आमच्या येथे एक म्हण आहे. कोणीही "मी कधी येऊ" असे विचारतं तेव्हा आम्ही म्हणतो, "कधीही या" म्हणजे "कधी येऊ नका". मी तुम्हाला विचारले की "तुमच्या सरकारी शाळा बघायला कधी येऊ" त्यावर तुम्ही काहीही सांगितलं नाहीस. मग मी कधी येऊ ते सांगा, असंही केजरीवाल म्हणाले.

शुक्रवारी शर्मा यांच्या वक्तव्यानंतर दिल्लीच्या मुख्यमंत्र्यांनी हे ट्विट केले आहे. शर्मा यांनी ट्विटच्या मालिकेत दिल्ली आणि आसाममधील फरक सांगून केजरीवालांची खिल्ली उडवली होती. शर्मा यांचे ट्विट म्हटलं होतं, "प्रिय केजरीवालजी, तुमचे अज्ञान, दु:ख देणारे आहे. आसाम हे दिल्लीपेक्षा ५० पट मोठे आहे. आमच्या 44,521 शाळांमध्ये 65 लाख विद्यार्थी शिकत आहेत आणि तुमच्या इथे हजाराहून अधिक शाळा आहेत. आमच्याकडे दोन लाख समर्पित शिक्षक आणि 1.18 लाख मध्यान्ह भोजन कामगार आहेत.

आणखी एका ट्विटमध्ये शर्मा म्हणाले होते, “जेव्हा तुम्ही आसाममध्ये याल तेव्हा मी तुम्हाला आमच्या मेडिकल कॉलेजमध्ये घेऊन जाईन, जे तुमच्या मोहल्ला क्लिनिकपेक्षा हजार पटीने चांगले आहेत. तुम्ही आमच्या हुशार सरकारी शाळेतील शिक्षकांना आणि विद्यार्थ्यांनाही भेटाल. शर्मा पुढं म्हणाले की, तुम्ही देशाला नंबर वन बनवण्याची चिंता सोडून द्या, मोदीजी तेच करत आहेत."