नवी दिल्ली, ता. 19 ः दिल्लीचे मुख्यमंत्री अरविंद केजरीवाल यांना दिलासा मिळाला नसून त्यांची न्यायालयीन कोठडी येत्या 3 जुलैपर्यंत वाढविण्यात आली आहे.दिल्ली सरकारच्या मद्य धोरण घोटाळ्यात त्यांना गेल्या मार्च महिन्यात अटक केली आहे.

निवडणुकीतील प्रचाराच्या काळासाठी त्यांना सर्वोच्च न्यायालयाने जामीन मंजूर केला होता. परंतु त्यांना पुन्हा 2 जूनला तुरुंगात शरण जाण्याचे निर्देश दिले होते. आज राऊज एव्हेन्यू सत्र न्यायालयात त्यांच्या जामीनावर सुनावणी झाली. केजरीवाल हे मुख्यमंत्री असून ते तपासात सहकार्य करतील, त्यांना तुरुंगात ठेवण्याचे कोणतेही प्रयोजन नसल्याचा युक्तीवाद त्यांच्या वकीलांनी केला. परंतु या युक्तीवादाचा कोणताही परिणाम झाला नाही. न्यायालयाने त्यांना 3 जुलैपर्यंत कोठडीत ठेवण्याचे निर्देश दिले.