नवी दिल्ली : दिल्लीच्या कथित अबकारी कर घोटाळ्यात दिल्लीचे मुख्यमंत्री अरविंद केजरीवाल यांना अटक झाली आहे. २१ मार्च रोजी त्यांना ईडीच्या अधिकाऱ्यांनी ताब्यात घेतलं कालच हायकोर्टानं त्यांना १५ दिवसांची न्यायालयीन कोठडी सुनावली. दरम्यान, तुरुंगात रवानगी झाल्यापासून केजरीवाल यांचं वजन घटलं आहे. (Arvind Kejriwal weight is decreasing rapidly in Tihar Jail claimed by AAP sources)

तिहार तुरुंग प्रशासनाच्या माहितीनुसार, अरविंद केजरीवाल यांची प्रकृती एकदम ठीक आहे. तुरुंगातील डॉक्टरांना त्यांच्या प्रकृतीबाबत कुठलीही चिंता नाही. पण आम आदमी पार्टीच्या सुत्रांनी हा दावा केला आहे की, केजरीवाल यांच्या वजनात घट झाली असून ते सुमारे साडेचार किलोनं घटलं आहे. (Marathi Tajya Batmya)

तुरुंग प्रशासनाची केजरीवालांच्या प्रकृतीवर लक्ष

मुख्यमंत्री अरविंद केजरीवाल यांना डायबेटिसचा त्रास आहे. त्यामुळं त्यांच्या प्रकृतीवर तिहार तुरुंग प्रशासनांच विशेष लक्ष आहे. जर केजरीवाल यांच्या शरिरात ग्लुकोमीटर, इसबगोल, ग्लुकोज आणि साखरेचं प्रमाण जर कमी झालं तर वैद्यकीत अधिकारी काळजी घेत आहेत.

तर निरिक्षकांच्या मते केजरीवालांच्या प्रकृतीवर तुरुंगातील वैद्यकीय चिकित्सक नजर ठेऊन आहेत. सातत्यानं ते केजरीवालांजवळ जाऊन त्यांच्या प्रकृतीविषयी जाणून घेत आहेत. तसेच त्यांच्या रक्तातील साखरेची तपासणी केली जात आहे. (Latest Marathi News)

केजरीवालांची तुरुंगातील पहिली रात्र अस्वस्थेत गेली

केजरीवाल यांची तिहार तुरुंगात रवानगी झाल्यानंतर त्यांची पहिलीच रात्र बैचेनीत गेली. सोमवारी रात्री उशीरापर्यंत ते एका अंगावरुन दुसऱ्या अंगावर असा झोपायचा प्रयत्न करत होते. पण त्यानंतर मंगळवारी ते स्थिर वाटले. त्यानंतर त्यांनी योगासनं केली तसेच तुरुंगाच्या नियमांनुसार त्यांना बिगर साखरेचा चहा आणि ब्रेड नाश्त्यामध्ये देण्यात आला. त्यानंतर त्यांनी वर्तमान पत्र वाचली आणि काही काळ टीव्ही देखील पाहिला.