नवी दिल्ली : लोकोपायलट हे रेल्वे परिवारातील महत्त्वाचा घटक असून त्यांच्याबाबत गैरसमज पसरवून त्याचे मनोधैर्य खचविण्याचा प्रयत्न विरोधी पक्ष व त्यांचे नेते राहुल गांधी करत आहेत. त्यांनी केलेल्या दाव्यात काहीही तथ्य नसून लोकोपायलट यांना निर्धारित तासामध्ये काम करावे लागत असल्याचा दावा केंद्रीय रेल्वे मंत्री अश्विनी वैष्णव यांनी केला.
काही दिवसांपूर्वीच लोकसभेतील विरोधी पक्षनेते राहुल गांधी यांनी दिल्लीतील लोकोपायलटांची भेट घेतली होती. यावेळी झालेल्या चर्चेत लोकोपायलटना अतिरिक्त तास काम करावे लागते, विश्रांती मिळत नाही, अशी तक्रार काहिंनी केली होती. यावर आज केंद्रीय रेल्वेमंत्री अश्विनी वैष्णव यांनी खुलासा केला आहे.
ते म्हणाले, ‘‘लोकोपायलटचे सरासरी कामाचे तास नियमानुसार म्हणजे आठ तासांपेक्षा कमी आहे. २०१४ पूर्वी लोकोपायलटच्या केबिनची स्थिती वाईट होती. २०१४ नंतर ही स्थिती सुधारण्यात आली. लोकोपायलटची ड्यूटी संपल्यानंतर ते विश्रांती कक्षात आराम करतात. हे विश्रांती कक्ष वातानुकूलित आहेत.’’ परंतु खरी माहिती जाणून न घेता काँग्रेसने टीका केल्याचे मंत्र्यांनी म्हटले आहे. लोकोपायलटचे मनोधैर्य खचविण्याचा प्रयत्न केला जात आहे. परंतु रेल्वे परिवारातील कर्मचारी देशाची सेवा करण्यास कटिबद्ध असल्याचेही त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.