पटना: बिहारमध्ये (bihar) बलात्काराची एक विचित्र तक्रार दाखल झाली आहे. बिहारच्या औरंगाबाद जिल्ह्यात राहणाऱ्या एका महिलेने (women) मांत्रिकाने आपल्यावर स्वप्नात येऊन बलात्कार केला अशी पोलीस ठाण्यात तक्रार नोंदवली आहे. मांत्रिकाने (Occultist) स्वप्नात येऊन वारंवार आपल्यावर बलात्कार केला, असा या महिलेचा दावा आहे. कुडवा पोलीस ठाण्याच्या हद्दीत येणाऱ्या गांधी मैदान परिसरात महिला राहते. मुलगा आजारी असल्यामुळे यावर्षी जानेवारी महिन्यात सदर महिला मांत्रिकाकडे गेली होती. (Assault Me in Dreams Bihar Woman Approaches Police Against Occultist)

मांत्रिकाने या महिलेला एक मंत्र दिला व मुलगा बरा व्हावा यासाठी काही विधी करायला सांगितले. पण मुलाचा १५ दिवसांनी मृत्यू झाला. "मुलाचा मृत्यू झाल्यानंतर महिला मांत्रिक वास्तव्याला असलेल्या मंदिरात गेली व आपल्या मुलाचा मृत्यू कसा झाला ते सांगा? असे स्पष्टीकरण मागितले. मांत्रिकाने आपल्यावर बलात्काराचा प्रयत्न केला पण मुलाने आपली सुटका केली असाही आरोप या महिलेने केला" कुडवाचे एसएचओ अंजनी कुमार यांनी ही माहिती दिली. न्यूज १८ ने हे वृत्त दिले आहे.

मांत्रिकाने बलात्काराचा प्रयत्न केला, तेव्हा महिलेने तक्रार केली नाही. पण त्यानंतर मांत्रिक स्वप्नात येऊन आपल्यावर बलात्कार करतो, असा दावा या महिलेने केला आहे.

"लिखित तक्रार मिळाल्यानंतर आम्ही मांत्रिकाची चौकशी केली. मांत्रिकाने आरोप फेटाळले असून आपण कधी त्या महिलेला भेटलो नाही, असे त्याने सांगितले. मांत्रिकाविरोधात आमच्याकडे कुठलाही पुरावा नाही. त्यामुळे बाँड फाईल करुन आम्ही त्याची सुटका केली" असे एसएचओने सांगितले.