देशातील सहा राज्यातील सात विधानसभा पोटनिवडणुकीसाठी झालेल्या मतदानाची मतमोजणी आज पार पडत आहे. या निवडणुकीत पाच जागा विरोधकांच्या 'इंडिया' आघाडीने एकत्र येत लढल्या होत्या. यातील त्रिपुरामधील धनपूर आणि बॉक्सानगर जागांवर भाजपचा विजय झाला आहे.
बॉक्सानगर जागेवर भाजपच्या तफज्जल हुसैन यांचा विजय झाला. त्यांनी सीपीआय (एम) च्या मिझान हुसैन यांचा पराभव केला. मिझान यांना 3,909 मतं मिळाली, तर तफज्जल यांना तब्बल 34,146 मतं मिळाली.
दुसरीकडे धनपूर जागेवर भाजपच्या बिंदू देबनाथ यांचा विजय झाला. त्यांना 30,017 मतं मिळाली. सीपीआय (एम) पक्षाचे कौशिक चंदा यांचा या निवडणुकीत पराभव झाला. कौशिक यांना केवळ 11,146 मतांवर समाधान मानावं लागलं.
केरळमधील पुथुप्पल्ली जागेवर काँग्रेसचा विजय झाला आहे. चांडी ओम्मन या उमेदवाराचा विजय झाल्याचं पीटीआयने आपल्या एक्स पोस्टमध्ये सांगितलं आहे. इलेक्शन कमिशनच्या सूत्रांनी याबाबत माहिती दिली आहे.
उत्तराखंडमधील बागेश्वर या जागेवर भाजप उमेदवार पार्वती दास यांचा विजय झाला आहे. याठिकाणी त्यांनी काँग्रेसचा पराभव केला आहे. 2,810 मतांनी त्यांचा विजय झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.