लखीमपुर खीरी : शहरातील कोतवाली परिसरातील पांगी गावाजवळ खिरी-बहराइच महामार्गावर रस्त्याच्या कडेला उभ्या असलेल्या लोकांना भरधाव ट्रकने चिरडल्याची घटना समोर आली आहे. या भीषण अपघातात चार जण ठार तर पाच जण गंभीर जखमी झाले आहेत. (Accident News in Marathi )

या दुर्घटनेतील मृतांची अद्याप ओळख पटलेली नाही. मुख्यमंत्री योगी आदित्यनाथ यांनी या घटनेबद्दल दु:ख व्यक्त केले असून जखमींवर योग्य उपचार करण्याचे निर्देश दिले आहेत. खीरीचे पोलिस अधीक्षक गणेश प्रसाद साहा यांच्यासह अन्य पोलिस अधिकाऱ्यांनी घटनास्थळी धाव घेऊन बचावकार्याची पाहणी केली.

या दुर्घटनेत चार जणांचा मृत्यू झाला असून पाच जण जखमी झाले आहेत, अशी माहिती पोलिस अधीक्षकांनी पत्रकारांना दिली. जखमींना उपचारासाठी जिल्हा रुग्णालयात दाखल करण्यात आले आहे. साहा म्हणाले की, अपघाताच्या कारणांचा शोध घेतला जात आहे.