एटीएसने गुजरात येथील पोरबंदर येथून एका परदेशी नागरिकासह चार जणांना अटक केली आहे. या लोकांचे आंतरराष्ट्रीय दहशतवादी संघटनांशी संबंध असल्याचे समोर आले आहे. एटीएसचे विशेष पथक गेल्या काही दिवसांपासून पोरबंदर आणि परिसरात विशेष कारवाईसाठी सक्रिय होते. दहशतवाद विरोधी पथकाकडून याबद्दल माहिती देण्यात आली आहे.

गुजरात एटीएसच्या पथकाने पोरबंदरमध्ये मोठी कारवाई केली आहे. पोरबंदरमधून एका महिलेसह चार जणांना अटक करण्यात आली आहे. गुप्त माहितीच्या आधारे ही कारवाई करण्यात आली आहे.

विदेशी नागरिकांसह चौघेही इसिसचे सक्रिय सदस्य असून त्यांच्या ताब्यातून अनेक प्रतिबंधित वस्तू जप्त करण्यात आल्याचे एटीएसचे म्हणणे आहे. सीमेपलीकडील दहशतवाद्यांच्या सांगण्यावरून चौघेही कट्टरवादी विचारसरणीत सामील झाले होते. एका वृत्तानुसार, पोरबंदरमधून अटक करण्यात आलेल्या चार जणांमध्ये सुरतमधील एका महिलेचाही समावेश आहे. तिचे नाव सुमेरा असे सांगितले जात आहे.

अनेक दिवसांपासून दहशतवादी कारवायांची माहिती मिळत होती. त्यासाठी एटीएसचे विशेष पथक गेल्या काही दिवसांपासून पोरबंदर आणि परिसरात विशेष कारवाईसाठी सक्रिय होते.

त्यांच्या संपर्कात कोणी स्थानिक व्यक्ती आहे का, याचाही एटीएस अधिकारी शोध घेत आहेत. ते गुजरातमध्ये कधीपासून राहत होते. त्यांचा उद्देश काय होता? हा परदेशी नागरिक कोणत्या देशाचा रहिवासी आहे, अधिकाऱ्यांनी अद्याप खुलासा केलेला नाही. या चौघांकडूनही आक्षेपार्ह कागदपत्रे जप्त करण्यात आल्याचे सांगण्यात येत आहे.