अजमेर : राजस्थानमध्ये महिलांवरील छेडछाडीच्या घटना थांबण्याचे नाव घेत नाही आहेत. आजही काही लोक अंधश्रद्धेच्या आहारी जाणाऱ्या महिलांना चेटकीण (डायन) म्हणत मारहाण करून ठार (Attempt) मारण्यासारख्या घृणास्पद घटना करीत आहेत. असाच एक प्रकार अजमेर जिल्ह्यातील मसुदा पोलिस ठाणे परिसरातून समोर आला आहे. या महिलेला चेटकीण असल्याचे भासवून जिवंत (Alive) जाळण्याचा प्रयत्न करण्यात आला. (Attempt to burn woman alive in Rajasthan)

मी नसून गावची रहिवासी आहे. अनेक महिन्यांपासून गावातील काही लोक चेटकीण ठरवून त्रास देत आहेत. गावातील लोकांच्या अत्याचारानंतर शेतात झोपडी बनवून राहायला गेली. मंगळवारी (ता. २१) सायंकाळी गावातील काही लोक शेतात घुसले आणि झोपडीवर पेट्रोल टाकून आग (Fire) लावली, अशी माहिती पीडित महिलेने दिली.

झोपडीला आग लागल्यानंतर झोपडीतून बाहेर आली. यानंतर बाहेर उपस्थित लोकांनी पकडून पुन्हा आगीत टाकण्याचा प्रयत्न केला. स्वत:ला वाचवण्याचा प्रयत्न केला असता नागरिकांनी मारहाण केली. यामुळे खूप त्रास सहन करावा लागला, असेही पीडित महिलेने सांगितले. महिलेने कसे तरी स्वत:ला सावरले आणि माजी सरपंचापर्यंत पोहोचली. यावेळी माजी सरपंचांनी तिला पोलिस ठाण्यात आरोपीविरुद्ध गुन्हा दाखल करण्यास सांगितले.

महिलेने मसुदा पोलिस ठाण्यात जाऊन घडलेला प्रकार सांगितला. महिलेच्या तक्रारीवरून पोलिस ठाण्याचे अधिकारी दिनेश जीवनी यांनी गुन्हा दाखल केला आहे. दुर्गालाल, पवन, श्यामा आणि इतरांसह गावातील रहिवाशांवर गुन्हा दाखल केला असून तपास सुरू आहे, अस पोलिसांनी सांगितले.