पंतप्रधान नरेंद्र मोदी हे शनिवार (३० डिसेंबर) रोजी अयोध्येच्या दौऱ्यावर होते. येथे त्यांनी विमानतळ आणि रेल्वे स्टेशनसह अनेक विकासकामांचे उद्घाटन आणि पायाभरणी केली. या दौऱ्यावेळी खास बाब म्हणजे ते पीएम उज्वला योजनेच्या १० कोटीव्या लाभार्थी मीरा मांझी यांच्या घरी भेच दिली. इतकेच नाही तर पीएम मोदी यांनी त्यांच्या घरी चहा घेतला. मोदींनी दिलेल्या या भेटीची सर्वत्र चर्चा होत आहे.

उज्वला योजनेच्या या १० कोटीव्या लाभार्थी मीरा मांझी यांना योगी सरकारने मुख्यमंत्री जनआरोग्य योजनेचा लाभ देखील देण्यात आला आहे. पंतप्रधान नरेंद्र मोदी भेट देऊन गेल्यानंतर मीरा मांझी आणि सूरज मांझी यांना लगेच आयुष्यमान कार्ड देण्यात आले आहे. दाम्पत्याला मुख्यमंत्र्यांच्या आदेशाने तात्काळ आयुष्मान कार्ड मिळासं. इतकेच नाही तर अयोध्याचे जिल्हाधिकारी नीतीश कुमार यांनी स्वतः मीरा यांच्या घरी जाऊन त्यांनी आयुष्मान कार्ड दिलं.

यूपी सीएमओच्या वतीने पत्र जारी करत याबद्दल माहिती देण्यात आली होती. मुख्यमंत्री सचिव, संजय प्रसाद यांनी सांगितलं की, अयोध्येतील रहिवासी असलेल्या मीरा सूरज कुमार, पत्ता- ७५६ कन्धपूर यांना मुख्यमंत्री जन आरोग्य योजनेअंतर्गत लाभ देण्याचा निर्णय घेण्यात आला आहे.

शनिवारी अचानक पंतप्रधान मोदी हे अयोध्या धाम जंक्शन येथून मंगेशकर चौक (वीणा चौक) येथील वस्तीत पोहचले होते, येथे त्यांनी मीरा मांझी यांच्या घरी जाऊन त्यांची विचारपूस केली आणि चहा देखील घेतला.

दरम्यान पंतप्रधान मोदी यांनी भेट दिल्यानंतर मीरा मांझी म्हणाल्या की, पंतप्रधान नरेंद्र मोदी येत आहेत याबद्दल मला माहिती नव्हती. एका तासांपूर्वी मला सांगण्यात आलं की एक राजकीय नेता भेटायला येणार आहे. त्यानंतर पंतप्रधान नरेंद्र मोदी भेटायला आले. त्यांनी मुलांशी देखील संवाद साधला. मोदींनी मला विचारलं आज जेवण्यासाठी काय केलं आहे. दाळ, रोटी, भाजी केल्याचं मी सांगितलं. त्यानंतर त्यांनी मला चहा करण्यास सांगितलं. चहा थोडा गोड झाला असल्याचं मोदी म्हणाले. पण, आमच्याकडे असाच चहा करतात असं मी त्यांना सांगितलं. दरम्यान पंतप्रधान नरेंद्र मोदी यांनी अयोध्येमध्ये निषाद कुटुंबियांची भेट घेतली यावेळी रविंद्र मांझी यांना अयोध्या राम मंदिर सोहळ्यासाठी निमंत्रण देण्यात आलं आहे.