बंगळुरू विमानतळावर (Bangalore Airport) उड्डाण केल्यानंतर लगेचच इंडिगोची दोन विमानांमध्ये हवेत टक्कर होण्यापासून (Survived a plane crash) वाचली. या घटनेची नोंद कोणत्याही लॉगबुकमध्ये करण्यात आलेली नाही. तसेच भारतीय विमानतळ प्राधिकरणाने (एएआय) त्याची नोंद केली नाही, असे विमान वाहतूक नियामक डीजीसीएच्या वरिष्ठ अधिकाऱ्यांनी सांगितले. मोठा अपघात टळल्याने सुमारे ४०० लोकांचा जीव वाचला. ही घटना ९ जानेवारीला सकाळी घडली होती.

विमान वाहतूक नियामक या घटनेची चौकशी करीत आहे. दोषी आढळलेल्यांवर कठोर कारवाई केली जाईल, असे नागरी विमान वाहतूक महासंचालनालयाचे (डीजीसीए) प्रमुख अरुण कुमार म्हणाले. याप्रकरणी इंडिगो आणि एएआयकडून अद्याप कोणतीही प्रतिक्रिया आलेली नाही. डीजीसीएच्या अधिकाऱ्यांनी सांगितले की, इंडिगोची दोन विमाने - ६E४५५ (बेंगळुरू ते कोलकाता) आणि ६E२४६ (बेंगळुरू ते भुवनेश्वर) अशी दोन विमानांची नावे आहेत. जेव्हा एअरस्पेसमध्ये दोन विमाने किमान अनिवार्य उभ्या किंवा क्षैतिज अंतर ओलांडतात तेव्हा विभक्ततेचे उल्लंघन होते.

९ जानेवारीला सकाळी सुमारे पाच मिनिटांत दोन विमानांनी बेंगळुरू विमानतळावरून उड्डाण केले. उडल्यानंतर दोन्ही विमाने एकमेकांच्या दिशेने जात होती. ‘अ‍ॅप्रोच रडार कंट्रोलर’ने दिशा वळवणारे हेडिंग सूचित (Survived a plane crash) केले. ज्यामुळे दोन विमानांमधील हवेतील टक्कर टळली, असे अधिकाऱ्याने सांगितले.