काँग्रेसचे माजी अध्यक्ष राहुल गांधी (Rahul Gandhi) यांनी मॉब लिंचिंग (Mob Lynching) प्रकरणावरून केंद्र सरकरावर टीका केली आहे. पंजाब आणि इतर काही ठिकाणी नुकत्याच झालेल्या मॉब लिंचिंगच्या घटनांच्या पार्श्वभूमीवर बोलताना राहुल गांधी यांनी '2014 मध्ये नरेंद्र मोदी (Narendra Modi) यांचं सरकार स्थापन होण्यापूर्वी 'लिंचिंग' हा शब्द ऐकू सुद्धा येत नव्हता असं वक्तव्य केलं आहे.

'धन्यवाद मोदी जी' या हॅशटॅगच्या माध्यमातून पंतप्रधान नरेंद्र मोदींवर निशाणा साधत त्यांनी हे ट्विट केलं आहे. 2014 पूर्वी 'लिंचिंग' हा शब्दही ऐकला नव्हता असं म्हणत राहुल गांधी यांनी या मुद्यावर लक्ष वेधलं.

पंजाबमधील प्रसिद्ध सुवर्ण मंदिरात झालेल्या मॉब लिंचिंग प्रकरणानंतर कपूरथाळा येथील निजामपूर गावात एका गुरुद्वारामध्ये शीख धर्माच्या 'निशान साहिब' (ध्वजाचा) अवमान केल्याच्या आरोपात आणखी एका व्यक्तीची हत्या करण्यात आली.