पंतप्रधान नरेंद्र मोदी (Narendra Modi) आणि केंद्रीय गृहमंत्री अमित शहा (Amit Shah) यांना हैदराबादमधील एका नेत्यानं धमकी दिलीय. मात्र, पोलिसांनी (Hyderabad Police) आरोपीला अटक केलीय. ही व्यक्ती भारतीय जनता पक्षाच्या माजी प्रवक्त्या नुपूर शर्मा (Nupur Sharma) यांच्या विधानाबद्दल माफी मागण्याची मागणी करत असल्याचं वृत्त आहे. विशेष म्हणजे, हे प्रकरण अशावेळी समोर आलंय, जेव्हा राजस्थानच्या उदयपूरमध्ये दोन जणांनी एका शिंप्याची निर्घृण हत्या केली होती.

मीडिया रिपोर्ट्सनुसार अब्दुल माजिद अत्तार (Abdul Majid Attar) हे एका छोट्या पक्षाचे नेते आहेत. पीएम मोदी आणि शाह यांच्याशिवाय त्यांनी उत्तर प्रदेशचे मुख्यमंत्री योगी आदित्यनाथ आणि राष्ट्रीय स्वयंसेवक संघाचे (RSS) प्रेषितांवरील वक्तव्याबद्दल माफी न मागितल्यास त्यांना नुकसान पोहोचवण्याचं बोललं होतं. अत्तार याला अटक करण्यात आलीय.

पोलिसांनी आरोपींविरुद्ध धार्मिक भावना भडकावणं आणि विचलित केल्याप्रकरणी आयपीसी कलमान्वये गुन्हा दाखल केलाय. विशेष म्हणजे, 2 जुलैपासून सुरू होणाऱ्या भाजपच्या बैठकीत पीएम मोदी, शाह यांच्यासह पक्षातील अनेक बडे नेते उपस्थित राहणार आहेत. यानंतर पीएम मोदी सिकंदराबादमध्ये जाहीर सभेलाही संबोधित करू शकतात. अग्निपथ योजनेच्या निषेधार्थ सिकंदराबादमध्ये नुकताच आंदोलकांनी गोंधळ घातलाय.

राजस्थानमधील उदयपुरात टेलरची निर्घृण हत्या

राजस्थानमधील उदयपूर येथील कन्हैयालाल तेली नावाच्या शिंपीची निर्घृण हत्या करणाऱ्या रियाझ आणि मोहम्मद घौस या दोन आरोपींनी व्हिडिओही जारी केला होता. यातील एक व्हिडिओ हत्येचा होता. तर, एका व्हिडिओमध्ये दोन्ही आरोपी हत्येची जबाबदारी घेताना दिसत होते, यामध्ये त्यांनी पंतप्रधान मोदींना धमकीही दिली होती. सध्या दोन्ही आरोपी पोलिसांच्या ताब्यात आहेत. तपासात त्यांचे दहशतवादी संघटनांशी संबंध असल्याच्या बातम्या समोर आल्या आहेत.