बंगळुरू - कर्नाटकातील बेंगळुरू येथील एका एटीएम शाखेतील सुरक्षारक्षकाला महिलेने बेदम मारहाण केल्याची घटना समोर आली आहे. सुरक्षारक्षकाला मारहाण करण्याचं अजब कारण समोर आलं असून महिलेला आंटी असं संबोधल्याने महिलेने मारहाण केल्याचा आरोप आहे.
पोलिसांनी दिलेल्या माहितीनुसार, महिलेने एटीएममधून पैसे काढले होते आणि ती केबिनच्या दरवाजाजवळ उभी होती. सुरक्षारक्षकाने, इतर ग्राहकांचा मार्ग मोकळा व्हावा यासाठी तिला "आंटी" म्हणत, बाजूला होण्यास सांगितले. यावेळी आंटी शब्दामुळे महिला चांगलीच संतापली. तिने कथितरित्या गार्डला तिच्या चप्पलने मारले. तसेच त्याच्यावर शारीरिक हल्ला केला, असे प्रत्यक्षदर्शींनी म्हटलं आहे.
घटनास्थळी असलेल्या लोकांनी तात्काळ पोलिसांना या घटनेची माहिती दिली. त्यानंतर गुन्हा दाखल करण्यात आला. पोलिसांनी सांगितले की, काही लोकांनुसार, महिलाचे मानसिक स्थिती ठिक नव्हती. आता पोलिस याबाबत तपास करत आहे. मारहाणीत सुरक्षा रक्षकाला गंभीर दुखापत झाली नाही. तर महिला जामिनावर बाहेर आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.