भारतीय फुटबॉल संघाचा माजी कर्णधार भायचंग भुतियाचा सिक्कीम विधानसभा निवडणुकीत पराभव झाला आहे.

भारतीय फुटबॉल संघाचा माजी कर्णधार बायचुंग भुतिया सिक्कीम निवडणुकीतील प्रमुख चेहऱ्यांपैकी एक होता.

भुतिया नामची जिल्ह्यातील बारफुंग मतदारसंघातून नशीब आजमावत होता. बारफुंगमधील ही लढत चौरंगी असून भाईचुंग भुतियासमोर सिक्कीम क्रांतीकारी मोर्चाच्या आरडी भुतियाचे मुख्य आव्हान होते.

याशिवाय भाजपकडून ताशी दादुल भुतिया आणि सीएपी-सिक्कीममधून दादुल लेपचा हे इतर प्रमुख उमेदवार आहेत. 2019 मध्ये, सिक्कीम डेमोक्रॅटीक फ्रन्टच्या ताशी भुतिया यांनी बारफुंग जागा जिंकली होती.

10 वर्षात 6व्यांदा पराभव

माजी फुटबॉलपटूने पश्चिम बंगालमधून तृणमूलचे उमेदवार म्हणून दोनदा निवडणूक लढवली होती. 2014 ची लोकसभा निवडणूक दार्जिलिंगमधून आणि 2016 ची विधानसभा निवडणूक सिलीगुडीमधून पण त्या दोन्ही निवडणुकीत त्याचा पराभव झाला.

त्यानंतर त्याने आपला मोर्चा सिक्कीमकडे वळवला आणि स्वत:चा पक्ष स्थापन केला. 2019 च्या विधानसभा निवडणुका त्याने गंगटोक आणि तुमेन-लिंगी येथून लढल्या, परंतु त्यांच्या दोन्ही प्रयत्नांमध्ये पराभवाचा सामना करावा लागला. गंगटोकमधून 2019 च्या पोटनिवडणुकीतही त्यांचा पराभव झाला होता.