आता लवकरच 5 ते 18 वर्षे वयोगटातील मुलांसाठी नाकामार्फत देण्यात येणारी कोरोना वरील लस तयार केली जाणार आहे. भारत बायोटेकने लस तयार करण्याची परवानगी मागीतली आहे. 6 सप्टेंबरला, DCGI ने 18 वर्षांपेक्षा जास्त वयाच्या लोकांसाठी इंट्रानासल कोविड लस iNCOVACC ला मंजूरी दिली.

भारत बायोटेकने आता 5 ते 18 वर्षे वयोगटातील मुलांसाय़ी iNCOVACC ची सुरक्षितता, प्रतिक्रियाशीलता आणि रोगप्रतिकारक शक्तीचे मूल्यांकन करण्यासाठी परवानगी अर्ज केला आहे. ही लस नाकाद्वारे दिली जात असल्याने, नाकात रोगप्रतिकारक शक्ती तयार होते. आणि विषाणू आत प्रवेश करताच त्याला निष्क्रिय करते.

आता दिली जात असलेल्या लसींप्रमाणे, सुईची गरज भासणार नाही. हे वापरण्यास देखील सोपे आहे, ते घरी देखील वापरले जाऊ शकते. यासाठी प्रशिक्षित आरोग्य सेवा कर्मचाऱ्यांचीही गरज नाही. सुईमुळे होणारा त्रास, जसे की संसर्ग, किंवा लसीकरणानंतरच्या वेदना, यांच्या पासून आराम मिळेल. सर्वात महत्त्वाची गोष्ट म्हणजे विषाणू शरीरात जाण्यापूर्वीच मारण्याची क्षमता त्यात आहे, त्यामुळे शरीराच्या अवयवांना संसर्ग निर्माण होण्याचा धोका राहणार नाही.