CBI action against Balasore train accident : बालासोर रेल्वे अपघातप्रकरणी सीबीआयने 3 जणांना अटक केली आहे, वरिष्ठ विभाग अभियंता अरुणकुमार मोहंता, विभाग अभियंता मोहम्मद अमीर खान आणि तंत्रज्ञ पप्पू कुमार यांना कलम 304 आणि 201 सीआरपीसी अंतर्गत अटक केली आहे.

ओडिशातील बालासोर येथे 2 जून रोजी झालेल्या भीषण रेल्वे अपघातात सीबीआयने तीन रेल्वे कर्मचाऱ्यांना अटक केली आहे. या तिघांनाही आयपीसी कलम 304 अंतर्गत अटक करण्यात आली आहे. या अपघातात 290 हून अधिक जणांचा मृत्यू झाला होता.

गेल्या महिन्यात 2 जून रोजी ओरिसातील बालासोर येथे भीषण रेल्वे अपघात झाला होता. या अपघातात 290 हून अधिक जणांना आपला जीव गमवावा लागला असून 1000 हून अधिक लोक जखमी झाले आहेत. 4 जून रोजी रेल्वेमंत्री अश्विनी वैष्णव यांनी हे प्रकरण सीबीआयकडे सोपवण्याची घोषणा केली होती.

2 जून रोजी ओडिशाच्या बालासोर जिल्ह्यात कोरोमंडल एक्स्प्रेस आणि बेंगळुरू-हावडा एक्स्प्रेस रुळावरून घसरल्याने आणि मालगाडीच्या धडकेत 295 लोक ठार आणि सुमारे 1000 जखमी झाले होते. (latest marathi news)

हावडाहून जाणाऱ्या 12864 बेंगळुरू-हावडा सुपरफास्ट एक्स्प्रेसचे अनेक डबे बहंगा बाजार येथे रुळावरून घसरले आणि दुसऱ्या रुळावर पडले. रुळावरून उतरलेले हे डबे १२८४१ शालीमार-चेन्नई कोरोमंडल एक्सप्रेसला धडकले आणि त्याचे डबेही उलटले.

कोरोमंडल एक्सप्रेसचे डबे रुळावरून घसरल्यानंतर मालगाडीला धडकले, त्यामुळे मालगाडीला अपघात झाला. हावडा पासून 255 किमी अंतरावर बहनगा बाजार स्टेशनजवळ हा अपघात घडला होता.