Telangana News : पुढील वर्षी होणाऱ्या तेलंगणा विधानसभा निवडणुकीपूर्वी (Telangana Assembly Election) भाजपला (BJP) मोठा धक्का बसला आहे. तेलंगणाचे भाजप नेते आणि माजी राज्यसभा खासदार आनंद भास्कर रापोलू (Anand Bhaskar Rapolu) यांनी बुधवारी पक्षाच्या प्राथमिक सदस्यत्वाचा राजीनामा दिला.

आनंद रापोलू म्हणाले, 'गेल्या 4 वर्षांत मला राष्ट्रीय भूमिकेपासून दूर ठेवण्यात आलं. त्याच वेळी मला अपमानित आणि कमी लेखण्यात आलं. या शिवाय मला पक्षातून बाहेर काढण्याचाही प्रयत्न झाला. आज आपण पक्षाच्या प्राथमिक सदस्याचा राजीनामा दिला आहे.'

निवडणुकीपूर्वी आनंद भास्कर रापोलू यांनी भाजपला मोठा धक्का दिला आहे. पुढील वर्षी विधानसभा आणि लोकसभा निवडणुका होणार आहेत. त्यामुळं निवडणुकीत भाजपचे नुकसान होण्याची शक्यता आहे. भाजप नेत्यानं पक्षाचे राष्ट्रीय अध्यक्ष जेपी नड्डा (JP Nadda) यांना पत्र लिहून राजीनामा दिला आहे. राजीनामा देण्यापूर्वी आनंद भास्कर रापोलू यांनी भारत राष्ट्र समिती (BRS) प्रमुख आणि तेलंगणाचे मुख्यमंत्री के. चंद्रशेखर राव यांची भेट घेतली होती.