नवी दिल्ली - बिहार विधानसभा निवडणुकीत ५० उमेदवार उभे करण्याची घोषणा केलेल्या शिवसेनेची निवडणूक चिन्ह बदलण्याची मागणी केंद्रीय निवडणूक आयोगाने मान्य केली आहे. शिवसेनेला आता ‘तुतारीधारी मावळा'' हे नवे चिन्ह देण्यात आले आहे. मात्र धनुष्यबाण हे पारंपारिक चिन्ह देण्याच्या शिवसेनेच्या मागणीला आयोगाने आपला नकार कायम ठेवला आहे.
शिवसेनेला आयोगाने बिहार निवडणुकीसाठी आधी बिस्कीट हे चिन्ह दिले होते. त्यावर शिवसेनेच्या बिहार शाखेने नाराजी व विरोध दर्शवून ते चिन्ह बदलण्याची मागणी केली होती. आयोगाला शिवसेनेने तुतारीधारी मावळा, धनुष्यबाण, ट्रॅक्टरवर बसलेला शेतकरी, बॅट, गॅस सिलिंडर या चिन्हांचे पर्याय दिले होते. धनुष्यबाण हे शिवसेनेचे देशभरात ओळखले जाणारे चिन्ह असल्याचे शिवसेना नेत्यांचे म्हणणे होते. मात्र सत्तारूढ जेडीयूने त्याला विरोध केला होता. या चिन्हामुळे बिहारमधील मतदार संभ्रमित होतील, त्यांची दिशाभूल होईल व त्याचा परिणाम मतदानावर पडेल, असा दावा जेडीयूतर्फे करण्यात आला होता.
देशभरातील इतर बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.