पाटणा : बिहार मधील दारू बंदीवरून नीतिश सरकारवर त्याच्याच सरकारमध्ये सहभागी असलेल्या राष्ट्रीय जनता दलाचे (आरजेडी) विधान परिषदेतील आमदार रामबली चंद्रवंशी यांनी जोरदार टीका करताना वादग्रस्त विधान केले आहे. ते म्हणाले, ‘बिहारमध्ये दारू ही देवा सारखी आहे. दिसत कुठेच नाही पण आहे मात्र सर्वत्र’ असे विधान केले. अशी दारू बंदी काय उपयोगाची असा सवालही त्यांनी यावेळी उपस्थित केला.
बिहारमध्ये दारू बंदीवरून नीतिश सरकारला सातत्याने टीकेला देखील सामोरे जावे लागत आहे. उपमुख्यमंत्री आणि आरजेडीचे नेते तेजस्वी याद यांनी देखील सरकारमध्ये सहभागी होण्याआधी नीतिश यांच्यावर टीका केली होती. तसेच नीतिश आणि जीतनराम मांझी यांच्या सरकारला बाहेरून पाठिंबा देणाऱ्या भाकपा(मा-ले)ने देखील अंमलबजावणीचा फेरआढावा घेण्यास अनुकूलता दर्शवली होती.
नीतिश यांचीही कबुली
नुकत्याच एका सार्वजनिक कार्यक्रमात नीतिश यांनी देखील बिहारमध्ये दारू बंदीच्या अंमलबजावणी बाबत भाष्य करत, पाटण्यात दारू बंदीची अंमलबजावणी नीट झाल्यास उर्वरित राज्यात देखील त्याची अंमलबजीवणी नीट होऊ शकते असे विधान करत, अंमलबजावणी नीट होत नसल्याचे अप्रत्यक्षपणे कबूल केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.