गोध्रा: बिल्किस बानो सामूहिक बलात्कार प्रकरणातील 11 दोषीची सोमवारी गोध्रा उप-कारागृहातून सुटका झाली. गुजरात सरकारने त्यांच्या माफी धोरणानुसार ही कार्यवाही केल्याच एका पोलीस अधिकाऱ्याने सांगितले. मुंबईतील विशेष सीबीआय न्यायालयाने 21 जानेवारी 2008 रोजी बिल्किस बानोच्या कुटुंबातील सात सदस्यांवर सामूहिक बलात्कार आणि हत्या केल्याच्या आरोपाखाली अकरा आरोपींना जन्मठेपेची शिक्षा सुनावली होती.

त्यांची शिक्षा नंतर मुंबई उच्च न्यायालयाने कायम ठेवली. या दोषींनी 15 वर्षांहून अधिक काळ तुरुंगवास भोगला आहे. त्यानंतर त्यांच्यापैकी एकाने त्याच्या मुदतपूर्व सुटकेसाठी सर्वोच्च न्यायालयात याचिका दाखल केली होती. सर्वोच्च न्यायालयाने गुजरात सरकारला त्याची शिक्षा माफ करण्याच्या मुद्द्यावर लक्ष देण्याचे निर्देश दिले होते. त्यानंतर सरकारने एक समिती स्थापन केली, असे पंचमहालचे जिल्हाधिकारी सुजल मायात्रा यांनी सांगितले.

काही महिन्यांपूर्वी स्थापन करण्यात आलेल्या समितीने या प्रकरणातील सर्व 11 दोषींना माफी देण्याच्या बाजूने एकमताने निर्णय घेतला. त्यानंतर राज्य सरकारकडे शिफारस पाठवली आणि सोमवारी त्यांची सुटका झाली.