पश्चिम बंगालच्या असनसोल मतदार संघातील निवडणुकीकडे सध्या सर्वांचं लक्ष लागून आहे.

पश्चिम बंगालमधील पोटनिवडणुकीसाठी उमेदवारांची घोषणा करताना भाजपने पक्षाच्या आमदार अग्निमित्रा पॉल यांना आसनसोल लोकसभा मतदारसंघातून उमेदवारी दिली आहे. पॉल यांची लढत पटना साहिबचे माजी खासदार शत्रुघ्न सिन्हा यांच्याशी असणार आहे. शत्रुघ्न सिन्हा यांनी काही दिवसांपूर्वीच भाजप सोडून तृणमूल काँग्रेसमध्ये प्रवेश केला.

शत्रुघ्न सिन्हा यांनी 2019 ची लोकसभा निवडणूक पटनामधून काँग्रेसच्या तिकिटावर लढवली होती. त्यावेळी भाजपच्या रविशंकर प्रसाद यांनी त्यांन पराभूत केलं होतं. अभिनेते आणि राजकारणी असलेले सिन्हा त्यानंतर तृणमूल काँग्रेसमध्ये गेले. सध्या ते आसनसोल मतदार संघाचे तृणमूल काँग्रेसचे उमेदवार आहेत.

अग्निमित्रा पॉल या एक प्रसिद्ध फॅशन डिझायनर असून, 2021 च्या बंगाल विधानसभा निवडणुकीत आसनसोल दक्षिण विधानसभा मतदार संघात त्यांनी तृणमूलच्या सयानी घोष यांचा पराभव केला होता.