धारवाड : कर्नाटकातील धारवाडमध्ये भाजपच्या पंचायत समिती पातळीवरील नेत्याची हत्या करण्यात आली. या घटनेनंतर राज्यातील वातावरण तापले आहे. मंगळवारी रात्री धार्मिक मिरवणुकीत झालेल्या भांडणात चाकूने हल्ला करून हत्या करण्यात आली. या घटनेनंतर पोलिसांनी चार संशयितांना ताब्यात घेतले आहे.

मंगळवारी रात्री धारवाडमध्ये धार्मिक मिरवणूक काढण्यात आली होती, त्यामध्ये दोघे मद्यधुंद अवस्थेत होते. मिरवणुकीत सहभागी लोकांनी आक्षेप घेतल्यावर दोन्ही मुलांनी आपल्या गटातील मुलांना सोबत आणले आणि भांडण सुरू केले. दरम्यान, मध्यस्थी करून प्रकरण शांत करण्याचा प्रयत्न करणाऱ्या भाजप नेते प्रशांत यांना कोणीतरी धक्काबुक्की केली. तसेच त्यांच्यावर चाकू हल्ला केला. त्यात प्रशांत यांचा मृत्यू झाला.