नवी दिल्ली : भारतीय जनता पक्ष हा काँग्रेसपेक्षा जास्त मोठा भ्रष्टाचारी पक्ष असल्याचे मत दिल्लीचे मुख्यमंत्री आणि आम आदमी पक्षाचे नेते अरविंद केजरीवाल यांनी व्यक्त केले आहे.
राफेल विमान खरेदी प्रकरणातील भ्रष्टाचारासंबधित आरोप करताना केजरीवाल यांनी केंद्र सरकारवर टीका केली. यावेळी माजी केंद्रीय अर्थ मंत्री यशवंत सिन्हा आणि भाजपचे बंडखोर खासदार शत्रुघ्न सिन्हा यांनीही यावेळी भाजपवर टीकास्त्र सोडले. आपच्या जनआधिकार यात्रेत केजरीवाल बोलत होते.
मागील पाच वर्षापूर्वी काँग्रेसचे सरकार भ्रष्टाचारी आहे म्हणून लोकांनी काँग्रेसला त्यांची जागा दाखवून भारतीय जनता पक्षाला निवडून दिले. परंतु, सत्ता आल्यानंतर काँग्रेसपेक्षा मोठा भ्रष्टाचार भाजपने केला असल्याचे मत या सभेत केजरीवाल यांनी व्यक्त केले. काँग्रेसने कॉमनवेल्थ घोटाळा केला असेल तर, भाजपने त्यापेक्षा मोठा ललित मोदी घोटाळा केला आहे असे मतही केजरीवाल यांनी यावेळी व्यक्त केले.
दरम्यान, केजरीवाल यांनी माजी केंद्रीयमंत्री यशवंत सिन्हा यांना लोकसभा निवडणुक लढवण्यासाठी आग्रह केला आहे. यावेळी बोलताना यशवंत सिन्हा यांनी अरविंद केजरीवाल यांची स्तुती केली, तर केंद्र सरकारवर टीका केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.