BJP Politics : भाजपचे राष्ट्रीय अध्यक्ष जे.पी.नड्डा आणि केंद्रीय गृहमंत्री अमित शहा यांनी पक्षाच्या रणनीती संधर्बात रात्रभर चर्चा केली असल्याचे वृत्त समोर येत आहे.

जयपूरमध्ये आगामी राजस्थान विधानसभा निवडणुकीत पक्षाच्या रणनीतीबाबत रात्रभर चर्चा केली. बुधवारी उशिरा ही बैठक सुरू झाली. जी पहाटे 2 वाजेपर्यंत चालली.यावेळी विविध विषयांवर ही चर्चा चालली.

ज्या जागा भाजपासाठी कठीण आहेत अश्या ठिकाणी भाजप आपल्या खासदारांना किवां केंदीय मंत्र्यांना उतरवेल असे म्हटले जात आहे. केंद्रीय जलशक्ती मंत्री गजेंद्र सिंह शेखावत यांना आणि काही महत्वाच्या खासदारांना विधानसभा निवडणुकीत उतरवले जाईल असे म्हटले आहे.

यावेळी प्रादेशिक नेत्यांच्या महत्त्वाकांक्षावर वचक ठेवण्याचा हा प्रयत्न असल्याचे म्हटले जात आहे. याचबरोबर "व्यक्तीपेक्षा पक्ष महत्त्वाचा आहे हा संदेश देण्याचा हा प्रयत्न आहे.