भारतीय जनता पार्टीच्या युवा महिला नेत्याला कोकेन हा अंमलीपदार्थ बाळगल्याप्रकरणी पश्चिम बंगालमध्ये अटक करण्यात आली आहे. या महिलेला तिच्या कारमधील कोकेणसह पोलिसांनी रंगेहाथ पकडलं आहे.
पामेला गोस्वामी असं या भाजपाच्या महिला नेत्याचं नाव आहे. शुक्रवारी ती आपल्या कारमधून कोकेन घेऊ जात असल्याची खबर पोलिसांनी मिळाली होती. यावेळी तिच्यासोबत तिचा मित्र प्रोबीर कुमार डे हा देखील होता. त्यामुळे पोलिसांनी या दोघांवर अटकेची कारवाई केली आहे. कोलकात्यातील न्यू अलिपूर भागातील एनआर अव्हेन्यू येथून त्यांना ताब्यात घेण्यात आलं आहे. यावेळी पोमेलाच्या कारमध्ये सुरक्षा रक्षकही होता.
कोकेणचा पुरवठा करण्यासाठी पामेला गोस्वामी एका विशिष्ट ठिकाणी जाणार असल्याची खबर पोलिसांना मिळाली होती. त्यामुळे पोलीस तिच्या हालचालींवर लक्ष ठेवून होते. त्यानुसार पोलिसांनी तिचा पाठलाग करत तिची कार थांबवली. कार थांबवल्यानंतर पोलिसांनी तिची बॅग तपासली यावेळी पोलिसांना तिच्या बॅगमध्ये आणि सीटवर कोकेन सापडलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.