नौशेरा: पंतप्रधान नरेंद्र मोदी आपली दिवाळी सैनिकांसोबत साजरी करतात. नेहमीप्रमाणे ते या दिवाळीला देखील जम्मूमधील नौशेरामध्ये पोहचले आहेत. पंतप्रधान मोदी राजौरी जिल्ह्यातील नौशेरामध्ये सैनिकांसमवेत दिवाळीचा उत्साह द्विगुणित करत आहेत. आज मी माझ्यासोबत तुमच्यासाठी 130 कोटी देशवासीयांच्या शुभेच्छा घेऊन आलो आहे. या देशाचे तुम्ही सैनिक म्हणजे भारतमातेचे सुरक्षा कवच आहात, तुमच्यामुळेच देशवासीय निश्चिंतपणे झोपू शकतात, असं त्यांनी म्हटलंय.

सर्जिकल स्ट्राईकच्या वेळी या नौशेरा ब्रिगेडने बजावलेल्या भूमिकेबद्दल प्रत्येक भारतीयाला अभिमान वाटतो, असं मोदींनी म्हटलंय. पुढे ते म्हणाले की, मी प्रत्येक दिवाळी देशाचं संरक्षण करणाऱ्या सैनिकांसोबत साजरी केली आहे. आज मी माझ्यासोबत तुमच्यासाठी 130 कोटी देशवासीयांच्या शुभेच्छा घेऊन आलो आहे. या देशाचे तुम्ही सैनिक म्हणजे भारतमातेचे सुरक्षा कवच आहात, तुमच्यामुळेच देशवासीय निश्चिंतपणे झोपू शकतात, असं त्यांनी म्हटलंय.

पंतप्रधान मोदी म्हणाले की, मी प्रत्येक दिवाळी सीमेवर तैनात तुम्हा सैन्यासोबत साजरी केली आहे. तुमच्याशी निगडीत आनंद आणि उत्साह, विश्वास घेऊन मी इथून परतेन. मी एकटा आलो नाहीये तर मी माझ्यासोबत 130 कोटी देशवासीयांच्या आशीर्वाद तुमच्यासाठी घेऊन आलोय. आज सायंकाळी दिवाळीचा एक दिवा तुमच्या शौर्यासाठी पराक्रम आणि त्यागासाठी भारताचा प्रत्येक नागरिक लावून सदिच्छा देईल, असंही त्यांनी म्हटलंय.

पुढे ते म्हणाले की, आज तुम्ही घरच्यांशी बोलाल, फोटो पाठवाल, यावेळची दिवाळी वेगळी होती, असं म्हणाल. कारण मी तुमच्या परिवाराचा सदस्य म्हणून आलोय. तुम्ही देशाचे वीर, वीर मुली भारतमातेची अशी सेवा करत आहेत, ज्याचं सौभाग्य काहींनाच मिळतं. ते तुम्हाला मिळालं आहे. तुमच्या चेहऱ्यावरील ते मजबूत भाव मी पाहू शकतोय. संकल्पाचा भाव, पराक्रम करण्याची भावना आहे. हिमालय असो वा वाळवंट, बर्फ असो वा खोल पाणी, कुठेही तुम्ही भारत मातेचा जीवंत सुरक्षा कवच आहात, असं मोदींनी म्हटलंय.