आपल्या प्रेयसीला फिरायला घेऊन गेला, रस्त्यामध्येच अपघात झाला. दोघांनाही हॉस्पिटलमध्ये दाखल करण्यात आलं. पण हे प्रकरण घरी कळालं आणि आपलं प्रेम आपल्यापासून दूर गेलं तर? पुढच्या गोष्टी व्हायच्या आधी प्रियकराने हॉस्पिटलमध्येच आपल्या प्रेयसीसोबत लग्न लावलं. सगळे डॉक्टर्स आणि रूग्ण हे वऱ्हाडी. ऐकून आपणही आश्चर्यचकित व्हाल.पण हो. हे खरं आहे. हा प्रकार घडला आहे बिहारमध्ये. सध्या सोशल मीडियावर या लग्नाची चर्चा सुरू आहे.

हेही वाचा - 'पठाण'..आणि २०२३ मधले बाॅलीवूड..कसे असतील दिवस

नीरज कुमार असं या तरूणाचं नाव असून तो आपल्या कौशल्या नावाच्या प्रेयसीला फिरायला घेऊन गेला होता. बिहारमधील बैदराबाद येथील बाजारात तो कौशल्याला फिरायला घेऊन गेला असताना त्यांच्या दुचाकीला अपघात झाला. या अपघातात दोघेही जबर जखमी झाले. त्यानंतर दोघांनाही एकाच हॉस्पिटलमध्ये दाखल करण्यात आले आणि नीरजने आपल्या प्रेयसीला तिथेच माळ घातली.

ज्यावेळी त्यांच्यावर उपचार चालू होता त्यावेळी त्यांचे नातेवाईक त्यांना भेटण्यासाठी आले होते. त्यानंतर सर्व नातेवाईकांची ओळख एकमेकांशी झाली आणि या दोघांचे एकमेकांवर प्रेम असल्याची त्यांची खात्री झाली. त्यानंतर त्यांनी या दोघांचे लग्न लावून देण्याचं ठरवलं आणि तसंच झालं. यावेळी सर्व कर्मचारी, नर्स, डॉक्टर आणि रूग्ण हजर होते. त्यामुळे सर्व देशात हे लग्न चर्चेचा विषय ठरला आहे.