रेसलिंग फेडरेशन ऑफ इंडियाचे अध्य़क्ष बृजभूषण सिंग यांच्यावर महिला कुस्तीपटूंनी लैंगिक शोषणाचे गंभीर आरोप केले आहेत. त्यांच्याविरोधात आंदोलनही सुरू आहे. अशातच आता त्यांचा एक जुना व्हिडीओही व्हायरल होत आहे..

या व्हिडीओमध्ये ते एका खेळाडूला मारताना दिसत आहेत. ही मारहाण एका कार्यक्रमाच्या व्यासपीठावरच होत आहे. एका पुरुष खेळाडूला अशी मारहाण होत आहे. सोशल मीडियावर अनेकजण हे व्हिडीओ आता शेअर करू लागले आहेत.

हेही वाचा - मेडिकल मॅनेजमेंटही हृदयविकारावर ठरु शकते उपाय

दरम्यान, दिल्लीतलं कुस्तीपटूंचं हे आंदोलन अधिक तीव्र होत आहे. विनेश फोगाट, साक्षी मलिक, बजरंग पुनिया हे आंतरराष्ट्रीय स्तरावरचे खेळाडू या आंदोलनात सहभागी आहेत. त्यामुळे या आंदोलनाने सगळ्या देशाचं लक्ष वेधून घेतलं आहे. जोपर्यंत लैंगिक शोषण करणाऱ्या लोकांवर कारवाई होत नाही, तोपर्यंत एकही खेळाडू आगामी स्पर्धांमध्ये सहभागी होणार नाही, अशी भूमिका या कुस्तीपटूंनी घेतली आहे.

दिल्लीतल्या जंतरमंतर या मैदानावर १८ जानेवारीपासून खेळाडूंचं निषेध आंदोलन सुरू आहे