‘‘न्याय व्यवस्थेतील काळा कोट आणि गाऊन प्रत्येकवेळी तुम्हाला तुमच्या कर्तव्याची जाणीव करून देतो. म्हणूनच घटनाकारांनी घालून दिलेल्या मार्गदर्शक तत्त्वांच्या आधारे सद्सद्विवेकबुद्धीला अनुसरून न्यायाधीश व वकिलांनी योग्य समन्वयाने सर्वसामान्यांना न्याय मिळवून द्यावा,’’ असे आवाहन सरन्यायाधीश डॉ. धनंजय चंद्रचूड यांनी केले. (Latest Marathi News)

मुंबई उच्च न्यायालयाच्या औरंगाबाद खंडपीठ प्रशासनातर्फे आयोजित ‘कायदेशीर प्रणाली मजबूत करण्याच्या दृष्टीने न्यायाधीश व वकील यांच्यातील सहकार्य कसे वाढवावे’ या विषयावर त्यांनी रविवारी मार्गदर्शन केले.

या वेळी सर्वोच्च न्यायालयाचे न्यायाधीश अभय ओक, न्या. दीपांकर दत्ता, मुंबई उच्च न्यायालयाचे मुख्य न्यायाधीश देवेंद्रकुमार उपाध्याय, कर्नाटक उच्च न्यायालयाचे मुख्य न्यायाधीश प्रसन्ना वराळे, मद्रास उच्च न्यायालयाचे मुख्य न्यायाधीश संजय व्ही. गंगापूरवाला, औरंगाबाद खंडपीठाचे वरिष्ठ न्यायाधीश रवींद्र घुगे, राज्याचे महाधिवक्ता डॉ. बीरेंद्र सराफ, बार कौन्सिलचे उपाध्यक्ष उदय वारुंजीकर, उपस्थित होते. सुरुवातीलाच चंद्रचूड यांनी मराठीतून मराठवाड्यातील संत परंपरेचा उल्लेख करीत निजामाविरुद्धच्या लढ्यातील स्वातंत्र्यवीरांचा नामोल्लेख केला.(Latest Marathi News)

न्यायव्यवस्थेत आता तंत्रज्ञानाचा अवलंब ही काळाची गरज आहे. सर्वोच्च न्यायालयाचे सुमारे ३६ हजार निवाडे ‘ईएसईआर’ प्रणालीवर मराठीसह विविध भाषांमध्ये उपलब्ध करून दिले. त्याचा लाभ वकील व न्यायाधीशांनी घ्यावा. ज्येष्ठ वकिलांनी वकिली व्यवसायात येणाऱ्या तरुणपिढीला वेळोवेळी मार्गदर्शन करावे. तसेच विधी विद्यापीठांमध्ये अध्यापनाचे कार्य करून तरुण वकिलांना प्रशिक्षित करावे, असे डॉ. धनंजय चंद्रचूड यांनी म्हंटलं आहे.(Latest Marathi News)