शापूरजी पालोनजी ग्रुपचे (Shapoorji Pallonji Group) चेअरमन पालोनजी मिस्त्री (Pallonji Mistry) यांचं आज निधन झालं. त्यांनी वयाच्या 93 व्या वर्षी जगाचा निरोप घेतला.

शापूरजी पालोनजी समूहाचा व्यवसाय अभियांत्रिकी, बांधकाम, पायाभूत सुविधा, रिअल इस्टेट, जल ऊर्जा आणि आर्थिक सेवांमध्ये पसरलेला आहे. या ग्रुपमध्ये सुमारे 50 हजार लोक काम करतात. कंपनीचा व्यवसाय 50 देशांमध्ये पसरलेला आहे. त्यांचा मुलगा सायरस मिस्त्री (Cyrus Mistry) यांना एकदा टाटा सन्सचं अध्यक्ष बनवण्यात आलं होतं. मात्र, या वादानंतर त्यांना राजीनामा द्यावा लागला होता.

शापूरजी पालोनजी समूह ही देशातील ऐतिहासिक कंपनी आहे. हा ग्रुप गेल्या दीडशे वर्षांपासून अस्तित्वात आहे. पालोनजी मिस्त्री यांना 2016 मध्ये पद्मभूषण पुरस्कारानं (Padma Bhushan Award) सन्मानित करण्यात आलं होतं. हा देशातील तिसरा सर्वोच्च नागरी पुरस्कार आहे.