Israel Embassy: दिल्लीतील इस्त्राइल दुतवासाबाहेर स्फोट झाल्याचा पोलिसांना फोन आला आहे. दिल्ली पोलिसांकडून याची चौकशी सुरु आहे. गुन्हे युनिट आणि फॉरेन्सिक टीमही दिल्लीतील इस्त्राइल दुतावासात दाखल झाली आहे. दिल्ली पोलिसांकडून या घटनेचा तपास सुरु आहे. दूतावासाच्या मागे असलेल्या मोकळ्या जागेवर स्फोट झाल्याची बातमी समोर आली आहे.

आतापर्यंत मिळालेल्या माहितीनुसार, पोलिसांना एक फोन आला होता, ज्यामध्ये एका व्यक्तीने स्फोट झाल्याची चर्चा केली होती. प्रकरणाचे गांभीर्य पाहून पोलिसांनी तत्काळ घटनास्थळ गाठून शोधमोहीम सुरू केली. विशेष सेलची टीमही घटनास्थळी पाठवण्यात येत आहे.

अजून सुगावा नाही-

मिळालेल्या माहितीनुसार, अग्निशमन दलाला 5.45 वाजता स्फोट झाल्याची माहिती मिळाली, त्यानंतर अग्निशमन दल आणि पोलीस अधिकारी घटनास्थळी पोहोचले. अग्निशमन अधिकाऱ्याच्या म्हणण्यानुसार, स्फोटासारख्या घटनेची घटनास्थळी पुष्टी झालेली नाही आणि स्फोटाचे कोणतेही पुरावे मिळालेले नाहीत. संपूर्ण परिसराची झडती घेण्यात आली आहे. पोलीस या संपूर्ण परिसराची सतत चौकशी करत आहेत. वरिष्ठ पोलीस अधिकारी सध्या घटनास्थळी हजर आहेत. (Latest Marathi News)

लोकांनी मोठा आवाज ऐकला-

दिल्ली अग्निशमन सेवा संचालक अतुल गर्ग यांनी सांगितले की, दिल्ली अग्निशमन सेवेला आज संध्याकाळी चाणक्यपुरी भागातील इस्राइल दूतावासाजवळ स्फोट झाल्याचा कॉल आला होता. घटनास्थळी अद्याप काहीही आढळून आलेले नाही. मात्र, समोर काश्मीर भवनही आहे. त्यांच्या एका कर्मचाऱ्याने सांगितले की, लोकांनी त्यांना मोठा आवाज ऐकल्याचे सांगितले. हा आवाज कशाचा होता हे तपासानंतरच कळेल. घटनास्थळाची चौकशी सुरू आहे.

यापूर्वीही स्फोट झाला आहे-

याआधीही दिल्लीतील इस्राइल दूतावासाला लक्ष्य करण्यात आले होते. 29 जानेवारी 2021 रोजी दिल्लीतील इस्राइली दूतावासाबाहेर IED स्फोट झाला होता. पोलिसांना घटनास्थळावरून काही बॉल बेअरिंग्सही सापडले ज्याचा वापर बॉम्ब बनवण्यासाठी केला जात होता. यानंतरही इस्राइली दूतावासाला अलर्ट जारी करण्यात आला आहे. इस्राइल आणि हमास यांच्यात सुरू असलेल्या युद्धादरम्यान कोणताही अनुचित प्रकार घडू नये यासाठी कडक बंदोबस्त ठेवण्यात आला आहे.