पंजाबचे माजी मुख्यमंत्री कॅप्टन अमरिंदर सिंग यांनी सोनिया गांधी यांना पत्र लिहून काँग्रेसचा राजीनामा दिला आहे. मुख्यमंत्रीपद सोडल्यानंतर त्यांच्याकडे पक्षाचं सदस्यत्व कायम होतं. अखेर कॅप्टन अमरिंदरसिंग यांनी त्याचाही राजीनामा दिला आहे. यानंतर त्यांनी स्वत:च्या नव्या पक्षाची घोषणा केली आहे. 'पंजाब लोक काँग्रेस'ची स्थापना त्यांनी केली आहे.
पंजाब सरकारमध्ये भूकंप झाल्यानंतर अमरिंदर सिंग यांना मुख्यमंत्री पदाचा राजीनामा द्यावा लागला होता. प्रदेशाध्यक्ष नवज्योतसिंग सिद्धू यांच्यासोबत असणारे अंतर्गत वाद भोवल्याची चर्चा राजकीय वर्तुळात होती. काही काळानंतर नवज्योतसिंग सिद्धू यांनीही प्रदेशाध्यक्षपदाचा राजीनामा दिला होता. या राजकीय नाट्यात चरणजीतसिंग चन्नी यांना काँग्रेसतर्फे मुख्यमंत्री पदाची शपथ देण्यात आली. दिल्लीत खलबतं झाल्यानंतर अखेर पंजाबमध्ये सत्ता कायम ठेवण्यात काँग्रेसला यश आलं. मात्र, त्यानंतर आता कॅप्टन अमरिंदर सिंग यांनी पक्षाच्या सदस्यत्वाचाही राजीनामा दिला आहे.
मी आज काँग्रेस अध्यक्ष श्रीमती सोनिया गांधी यांच्याकडे राजीनामा पाठवला आहे. माझ्या राजीनाम्याची कारणं स्पष्ट दिली आहेत. 'पंजाब लोक काँग्रेस' हा नवा पक्ष स्थापन करणार आहे. मात्र, अद्याप निवडणूक आयोगाकडे हा मंजुरीसाठी प्रलंबित आहे, असे ट्वीट अमरिंदर सिंग यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.