गोरखपूर (उत्तर प्रदेश): प्रेयसीच्या खोलीमध्ये नको त्या अवस्थेत दोघांना प्रेयसीच्या भावाने रंगेहाथ पकडले. प्रियकराला मुलीच्या कुटुंबियांनी व ग्रामस्थांनी ठेचून मारल्याची धक्कादायक घटना घडली आहे,

उत्तर प्रदेशच्या गोरखपूरमधील शेरपूर गावामध्ये ही घटना घडली आहे. सुरज (वय 24) हा प्रेयसीला भेटण्यासाठी रविवारी (ता. 2) तिच्या घरी गेला होता. प्रेयसीचा भाऊन गौतम हा अचानक घरी आला. दोघांना नको त्या अवस्थेत त्याने रंगेहाथ पकडले. गौतमला तिथे पाहून गोंधळूलेल्या सूरजने गौतमवर गोळी झाडली. त्यात तो गंभीर जखमी झाला. गोळीबाराचा आवाज ऐकून गावकरीही घराच्या दिशेने धावले. गावकऱ्यांनी आणि कुटुंबियांनी सूरजला पकडले व बेदम मारहाण केली. गंभीर जखमी झालेल्या सुरजला उपचारासाठी रुग्णालयात दाखल करण्यात आले होते. मात्र, उपचारापूर्वीच त्याचा मृत्यू झाला होता. डॉक्टरांनी तपासल्यानंतर त्याला मृत घोषित केले.

पोलिस अधिकारी सुनिल गुप्ता म्हणाले, सुरजच्या मृत्यूप्रकरणी मुलीचे वडील व भावासह सहा जणांविरोधात गुन्हा दाखल करण्यात आला आहे. सुरजचा मृतदेह त्याच्या कुटुंबियांच्या ताब्यात देण्यात आला असून, पुढील तपास करत आहोत.