नवी दिल्ली : माजी केंद्रीय अर्थमंत्री पी. चिदंबरम यांना सीबीआयकडून ताब्यात घेण्यात आले असून सीबीआयची टीम त्यांच्या दिल्लीतील घरी दाखल झाली होती. चौकशीनंतर चिदंबरम यांना अटक करण्यात आली आहे.

आयएनएक्स मीडिया घोटाळाप्रकरणी सर्वोच्च न्यायालयाने त्यांच्या जामीन अर्जावर शुक्रवारी सुनावणी करणार असल्याचे स्पष्ट केले होते. 

चिदंबरम पत्रकार परिषद घेत असतानाच सीबीआयची टीम काँग्रेस मुख्यालयात दाखल झाली होती. सीबीआय टीम काँग्रेस मुख्यालयात पोहोचेपर्यंत ते तेथून बाहेर पडले होते. त्यानंतर चिदंबरम त्यांची घरी गेले. त्यांचा पाठलाग करत सीबीआयची टीम त्यांच्या घरी पोहोचली. सध्या चिदंबरम यांची त्यांच्या घरी चौकशी केल्यानंतर त्यांना अटक करण्यात आली आहे.
 

दिल्ली उच्च न्यायालयाच्या निर्णयाविरुद्ध सर्वोच्च न्यायालयात धाव घेतली होती. चिदंबरम यांच्या याचिकेवर आज सुनावणी होणार होती.