यूपी पोलिसांना कोणतीही माहिती न देता झी न्युजचे निवेदक रोहित रंजनला छत्तीसगड पोलिसांनी अटक करण्याचा प्रयत्न केला आहे. रोहित रंजन गाझियाबादमधील इंदिरापुरम येथे राहतो. दरम्यान, छत्तीसगड पोलिसांनी त्याला घरात जाऊन अटक करण्याचा प्रयत्न केला असल्याने आता खळबळ पसरली आहे.

रोहित रंजन यांनी ट्विट करत यासंदर्भातील माहिती दिली आहे. यात ते म्हणतात की, 'छत्तीसगड पोलिसांनी स्थानिक पोलिसांना अटकेबाबत कोणतीही माहिती दिलेली नाही. कोणत्याही माहितीशिवाय मला अटक करण्यासाठी घराबाहेर उभे आहेत. हे कायदेशीरदृष्ट्या योग्य आहे का?, असा सवाल त्यांनी या ट्वीटमधून केला आहे. गाझियाबाद पोलिसांनीही याबाबत ट्विट केले आहे.

पोलिसांनी दिलेली माहिती अशी की, हे प्रकरण स्थानिक पोलिसांच्या निदर्शनाखाली सुरु आहे. इंदिरापुरम पोलिस स्टेशन घटनास्थळी पोलिस पोहचले आहे. नियमानुसार कारवाई केली जाईल, असं पोलसांनी स्पष्ट केलं आहे.