चेन्नई - अण्णाद्रमुकच्या सर्वेसर्वा दिवंगत जयललिता यांच्या स्मारकाचे चेन्नईत नुकतेच उद्‌घाटन झालेले असताना महसूलमंत्री आर. बी. उदयकुमार यांनी आपल्या मतदारसंघात जयललिता आणि एम.जी. आर यांच्या स्मरणार्थ मंदिर उभारले आहे. कौटुंबिक नेते म्हणून असे या मंदिराचे वर्णन केले आहे. मदुराई जिल्ह्यातील टी कुन्नथूर येथे उभारलेल्या मंदिराचे अनावरण मुख्यमंत्री एडापड्डी के. पलानीसामी आणि उपमुख्यमंत्री ओ. पनीरसेल्वम यांनी शनिवारी केले.
उदयकुमार यांच्या मतदारसंघात टी. कुन्नथूर येथे १२ एकरावर मंदिर उभारले आहे. या मंदिरात माजी मुख्यमंत्री एम.जी आर आणि जयललिता यांचे ब्रांझचे पुतळे असून त्याचे अनावरण करण्यापूर्वी मंदिर पवित्र करण्यासाठी पारंपरिकरीत्या पूजा करण्यात आली. यावेळी पुजाऱ्यांकडून गाईची पूजा करण्यात आली. त्यानंतर मंत्री उधयकुमार यांच्या नेतृत्वाखाली प्रसादम म्हणून पवित्र पाणी उपस्थितांना देण्यात आले. याच पाण्याने एमजीआर आणि जयललिता यांच्या पुतळ्याची पूजा करण्यात आली. मंदिराच्या अनावरणप्रसंगी मुख्यमंत्री पलानीसामी आणि उपमुख्यमंत्री पनीरसेल्वम यांनी एमजीआर आणि जयललिता हे पक्ष कार्यकर्त्यांसाठी देवासमान असून त्यांनी राज्यातील जनतेच्या कल्याणासाठी आयुष्य वेचले. अशा दोन नेत्यांसाठी उभारलेले मंदिर पूजनीय आहे, असे नमूद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.