चित्तोडगढ : चितोडगढमधील चंबळ नदीवर राणाप्रताप धरण परिसरातील धब्यधब्यावर चार जण अडकल्याची घटना घडली आहे. चुलिया येथील धबधब्याजवळ प्री वेडींग शुटसाठी आलेले नवरा नवरीसह आणखी दोघेजण येथे पाण्यात अडकले आहे. घटनास्थळी पोलिस दाखल झाले त्यांनी सर्वांची सुखरूप सुटका केली आहे.

कोटो येथून प्री-वेंडीगं शुटसाठी चौघेजण चुलिया धबधब्यावर आले होते. राणाप्रताप धरणाचे दरवाजे अचानक उघडल्यामुळे अचानक धबधब्याच्या पाण्याचा प्रवाह वाढला. शुटिंगमध्ये व्यस्त असताना काही समजण्याच्या आत ते पाण्यामध्ये अडकले होते. तेथील एका मोठ्या खडकाचा त्यांना आधार मिळाला आणि त्याच्या चौफेर पाणी जमा झाले होते.

पोलिसांनी दिलेल्या माहिती नुसार, अचानक धराणाचे दरवाजे उघडल्यामुळे वाढलेल्या प्रवाहाच्या पाण्यात प्री-वेडींगशुटसाठी आलेले नवरा नवरी, व्हिडिओग्राफर आणि एक महिला अडकले होते. सर्वांची सुखरूप सुटका झाली आहे, दरम्यान घटनेची माहिती मिळताच रावतभट्ट पोलिस घटनास्थळी पोहचले आणि त्यांनतर त्यांनी पाण्यामध्ये अडकलेल्या चौघांना बाहेर काढण्यासाठी बचाव पथकाला पाचारण केले. दोरखंडाच्या सहाय्याने त्यांना वाचविण्यात बचाव पथक आणि पोलिसांना यश आलेे.

दरम्यान, चौघांना वाचविल्यानंतर रावतभट्ट पोलिसांनी त्यांना ताब्यात घेतले. 1 डिसेंबरला दोघांचे लग्न होणार आहे अशी माहिती मिळत आहे.