राजस्थानातल्या जोधपूर इथं काल रात्री दोन समुदायांमध्ये वाद उफाळून आला. यामध्ये दगडफेक झाल्याने काही पोलीस कर्मचारी जखमी झाले आहेत. या प्रकरणामुळे जिल्ह्यातली इंटरनेट सेवा बंद करण्यात आली आहे. रात्री सव्वा अकराच्या सुमारास ही घटना घडली आहे.
राजस्थानमधल्या जोधपूर(Jodhpur Violnece) जिल्ह्यातल्या जलोरी गेट परिसरात सोमवारी रात्री उशीरा दोन गटांत तुंबळ हाणामारी झाली. स्वातंत्र्य सैनिकाच्या पुतळ्यावर झेंडा फडकवण्यावरून दोन गटांमध्ये हा वाद झाल्याची माहिती पोलिसांनी दिली आहे. परशुराम जयंती(Parshuram Jayanti) आणि ईद(Eid) दोन्ही एकाच दिवशी आहेत. या दिवशी कोणता झेंडा लावायचा यावरून या दोन गटांमध्ये हा वाद झाल्याची माहिती पोलिसांनी दिली आहे.
जिथे नमाझ पठण केलं जातं, त्या परिसरात परशुराम जयंतीनिमित्त झेंडे लावण्यात आले होते. त्यानंतर ईदनिमित्ताने मुस्लीम समाजााला झेंडे लावायचे होते. त्यामुळे दोन्ही गट आमनेसामने आल्याची माहिती पोलिसांनी दिली आहे.
ईदगाहच्या जवळील परिसरात ही घटना घडली. पोलिसांनी हस्तक्षेप करत जमाव पांगवण्याचा प्रयत्न केला. त्यावेळी दोन्ही गटांतला तणाव वाढला आणि दगडफेक सुरू झाली. सध्या परिस्थिती नियंत्रणात असून जोधपूरमधली इंटरनेट सेवा पोलिसांनी बंद केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.